پشاور ( پاک ترک نیوز) پشاور میں سانحہ دیر کالونی کے بعد صوبائی حکومت کے فیصلے پر خیبرپختونخوا کے اسکولوں کی عمارتوں کا اسٹرکچرل سیفٹی آڈٹ مکمل کرلیا گیا۔ رپورٹ کے مطابق صوبے بھر میں مجموعی طور پر 8 ہزار 928 اسکولوں کی عمارتوں کا معائنہ کیا گیا۔رپورٹ میں انکشاف کیا گیا ہے کہ صوبے کے 2 ہزار 448 اسکولوں کی عمارتیں غیر محفوظ قرار پائی ہیں، جہاں غیر محفوظ عمارتوں کی شرح 27.4 فیصد ریکارڈ کی گئی۔آڈٹ کے مطابق 4 ہزار 27 اسکولوں کی عمارتیں محفوظ ہیں، جن کی شرح 45.1 فیصد بنتی ہے، جبکہ 2 ہزار 344 اسکولوں کی عمارتیں مرمت کی منتظر ہیں، جو مجموعی تعداد کا 26.3 فیصد ہیں۔
یہ بھی پڑھیں: گوادر میں ہلاک دہشت گرد کے والد اور بھائی کا احساس ندامت
رپورٹ کے مطابق صوبے میں مجموعی طور پر 4 ہزار 792 اسکولوں کی عمارتیں یا تو غیر محفوظ ہیں یا مرمت کی منتظر ہیں۔
