لاہور( پاک ترک نیوز) سہ ملکی سیریز کے فائنل معرکہ میں پاکستان اور سری لنکا کی ٹیمیں آج مد مقابل آئیں گی ۔
پاکستان کی میزبانی میں کھیلی جا رہی تین سہ ملکی سیریز کا فائنل معرکہ لاہور کے قذافی سٹیڈیم میں کل کھیلا جائے گا ۔پاکستانی وقت کے مطابق یہ میچ دن ایک بجے شروع ہوگا ۔
قومی ٹیم کی قیادت شاہین شاہ آفریدی کررہے ہیں جبکہ سری لنکن قائد کوشال مینڈس ہیں ۔
گروپ میچز میں پاکستان نے 4میں سے 3میچز میں کامیابی سمیٹی تھی اور فائنل میں اپنی جگہ پکی کی تھی جبکہ سری لنکا نے انگلینڈ اور پاکستان کیخلاف ایک ایک میچ جیتا جبکہ ایک ایک میچ میں اسے شکست کا منہ دیکھنا پڑا ۔
ٹورنامنٹ کی تیسری ٹیم انگلینڈ صرف ایک میچ جیتنے میں کامیاب ہوسکی تھی ۔ گروپ کے آخری میچ میں اس نے سری لنکا کو شکست سے دوچار کیا تھا ۔
یہ بھی پڑھیں: ایران امریکا ثالثی کے حوالے سے ہم محتاط انداز میں پر امید ہیں: ڈی جی آئی ایس پی آر
دونوں ٹیمیں فائنل جیتنے کیلئے ایڑ چوٹی کا زور لگائیں گی ۔ دلچسپ امر یہ ہے کہ دونوں ٹیمیں اپنے آخری گروپ میں جیت حاصل کرنے میں کامیاب نہیں ہو سکی ہیں ۔ پاکستان کو سری لنکا کے ہاتھوں جبکہ سری لنکا کو انگلینڈ نے ہرایا تھا ۔
