لاہور( پاک ترک نیوز) سہ ملکی سیریز میں پاکستان کی سری لنکا کیخلاف بیٹنگ جاری ہے ۔
پاکستان نے 2وکٹوں کے نقصان پر 23رنز بنا لئے ہیں ۔بابراعظم 10سکور بنا کر کریز پر موجود ہیں ۔
پاکستان کے آئوٹ ہونے والے بلے باز فخر زمان تھے جنہوں نے 5رنز سکور کئےتھےجبکہ معاذ صداقت 8رنز کے ہی مہمان ثابت ہوئے ۔
سری لنکا کی جانب سے فرنینڈو اور مدوشنکا نے ایک ایک کھلاڑی کو آئوٹ کیا ۔
واضحرہے کہ سہ ملکی کرکٹ سیریز میں پاکستان اور سری لنکا کی ٹیمیں مدمقابل ہیں، جہاں سری لنکا نے ٹاس جیت کر پاکستان کو پہلے بیٹنگ کی دعوت دے دی۔پاکستان کی پلیئنگ الیون میں دو تبدیلیاں کی گئی ہیں۔ صائم ایوب کی جگہ معاذ صداقت کو ٹیم میں شامل کیا گیا ہے، جبکہ رضا اللہ کی جگہ نسیم شاہ قومی ٹیم کا حصہ بن گئے ہیں۔
یہ بھی پڑھیں: پنجاب میں کل سے تیز بارشوں کی پیش گوئی، سردی کی شدت بڑھنے کا امکان
پاکستانی کپتان شاہین شاہ آفریدی نے کہا کہ گزشتہ میچ بہت شاندار رہا تھا۔ ان کے مطابق تین سو رنز کا ہدف بھی قابلِ دفاع ہو سکتا ہے۔دوسری جانب سری لنکن کپتان نے کہا کہ ٹیم نے وننگ کمبی نیشن برقرار رکھا ہے۔ ان کا کہنا تھا کہ دوسری اننگز میں نمی آ جاتی ہے، اسی لیے پہلے فیلڈنگ کرنے کا فیصلہ کیا ہے۔
یاد رہے کہ پاکستان پہلے ہی فائنل میں جگہ پکی کر چکا ہے جبکہ سری لنکا کو فائنل میں رسائی کیلئے اس میچ میں کامیابی حاصل کرنا ضروری ہے ۔شکست پر لنکن ٹائیگرز کو انگلینڈ کیخلاف میچ کا انتظار کرنا پڑے گا ۔
سہ ملکی سیریز کا فائنل 31اکتوبر کو لاہور میں کھیلا جائے گا ۔
