سرائیوو (پاک ترک نیوز) بوسنیا میں یورپی یونین کے امن مشن پر مامور اطالوی فوج کا فوجی ہیلی کاپٹر سی ایچ 47 گر کر تباہ ہوگیا، افسوسناک حادثے کے نتیجے میں 4 افراد ہلاک جبکہ 11 زخمی ہوگئے۔
اطلاعات کے مطابق اطالوی فوج کا ہیلی کاپٹر بوسنیا میں یورپی یونین کے امن مشن کی ذمہ داریاں انجام دے رہا تھا کہ اچانک حادثے کا شکار ہوگیا۔ ہیلی کاپٹر گرنے کے بعد علاقے میں خوف و ہراس پھیل گیا جبکہ امدادی اداروں نے فوری طور پر کارروائیاں شروع کردیں۔حادثے میں زخمی ہونے والے 11 افراد کو طبی امداد کے لیے قریبی اسپتالوں میں منتقل کردیا گیا، جہاں انہیں علاج فراہم کیا جا رہا ہے۔ ہلاک ہونے والے افراد کی شناخت اور ان کی قومیت کے حوالے سے مزید تفصیلات سامنے آنے کا انتظار ہے۔
یہ بھی پڑھیں: 8 فٹ لمبا دنیا کا دیوہیکل ریزر اسٹائل اسکوٹر تیار
حادثے کے بعد متعلقہ حکام نے جائے وقوعہ کو گھیرے میں لے کر شواہد اکٹھے کرنا شروع کردیے ہیں۔ ابتدائی طور پر ہیلی کاپٹر تباہ ہونے کی وجوہات واضح نہیں ہوسکیں، تاہم اس حوالے سے تحقیقات جاری ہیں۔
