دوشنبہ(پاک ترک نیوز)نائب وزیراعظم اور وزیر خارجہ اسحاق ڈار کی تاجکستان کے صدر امام علی رحمان سے ملاقات ہوئی، جس میں علاقائی اقتصادی تعاون، روابط کے فروغ، استحکام اور مشترکہ خوشحالی کے امور پر تبادلہ خیال کیا گیا۔
ترجمان دفتر خارجہ کے مطابق تاجکستان کے صدر امام علی رحمان نے رکن ممالک کے حکومتی وفود کے سربراہان کا خیرمقدم کیا۔
یہ بھی پڑھیں: وفاقی وزیر تجارت جام کمال سے امریکی ناظم الامور کی ملاقات
ملاقات میں شنگھائی تعاون تنظیم کے تحت علاقائی اقتصادی تعاون کو مضبوط بنانے اور رکن ممالک کے درمیان تجارتی و اقتصادی روابط بڑھانے کی ضرورت پر زور دیا گیا۔ اس موقع پر خطے میں استحکام اور مشترکہ خوشحالی کے فروغ کے لیے باہمی تعاون کو مزید وسعت دینے پر بھی تبادلہ خیال کیا گیا۔
