پاکستان فضائیہ اور بحریہ کی جانب سے ایئربس ایچ 125 ہلکے یوٹیلیٹی ہیلی کاپٹروں کی شمولیت کی اطلاعات سامنے آئی ہیں، تاہم ان ہیلی کاپٹروں کے حصول کا ذریعہ تاحال واضح نہیں ہو سکا۔
دفاعی امور کی ویب سائٹ کیووا کے مطابق 2026 کے دوران پاکستان فضائیہ اور پاکستان بحریہ نے ایئربس ہیلی کاپٹرز کے ایچ 125 ہیلی کاپٹروں کی نامعلوم تعداد اپنے بیڑے میں شامل کی ہے۔پاکستان فضائیہ کے پہلے معلوم ایچ 125 ہیلی کاپٹر کی تصویر مارچ 2026 میں سامنے آئی تھی، جس پر 26-001 نمبر درج تھا، جبکہ پاکستان بحریہ کی جانب سے بھی کم از کم ایک ہیلی کاپٹر شامل کیے جانے کی اطلاعات ہیں، تاہم اس کی آزادانہ تصدیق نہیں ہو سکی۔
رپورٹ کے مطابق یہ بھی واضح نہیں کہ پاکستان نے یہ ہیلی کاپٹر براہ راست ایئربس ہیلی کاپٹرز سے نئے سرے سے خریدے ہیں یا دوسرے ممالک سے پہلے استعمال شدہ شہری ہیلی کاپٹر منتقل کیے گئے ہیں۔فرانس کے سرکاری اعداد و شمار کے مطابق پاکستان کو اس وزن کے زمرے میں آخری مرتبہ 2021 میں تین ہیلی کاپٹر برآمد کیے گئے تھے، جن کی مجموعی مالیت ایک کروڑ 23 لاکھ ڈالر تھی۔
یہ بھی پڑھیں: صومالیہ ،ہائی جیک بحری جہاز کے 4پاکستانی ارکان بازیاب
رپورٹ کے مطابق 2022 سے 2025 تک فرانس نے پاکستان کو کسی بھی وزن کے ہیلی کاپٹر کی برآمد رپورٹ نہیں کی۔ اسی طرح کسی دوسرے ملک یا ذریعے نے بھی ذخیرہ کیے گئے ایچ 125 ہیلی کاپٹروں کی پاکستان کو فروخت یا منتقلی کی اطلاع نہیں دی۔
