واشنگٹن ( پاک ترک نیوز) امریکی صدر ڈونلڈ ٹرمپ کا کہنا ہےایران کا معاملہ بہت جلد کسی نہ کسی طرح ختم ہو جائے گا۔ امریکی صدر کے مطابق امریکا ایران کے ساتھ معاہدہ کرسکتا ہے یا فوجی کارروائی بھی کرسکتا ہے، تاہم ان کے بقول وقت قریب آ رہا ہے۔اوول آفس میں میڈیا سے گفتگو کرتے ہوئے ڈونلڈ ٹرمپ نے دعویٰ کیا کہ ایران کی فوج، بحریہ، فضائیہ اور طیارہ شکن نظام تباہ ہوچکے ہیں، جبکہ ایرانی کرنسی اور معیشت بھی شدید نقصان کا شکار ہیں۔
امریکی صدر نے مزید دعویٰ کیا کہ ایرانی رہنما اقتدار پر کنٹرول برقرار رکھنے کے لیے آپس میں لڑ رہے ہیں۔دوسری جانب اماراتی طیارے کے واقعے پر امریکی صدر ڈونلڈ ٹرمپ نے اسرائیلی وزیراعظم نیتن یاہو سے تفصیلی گفتگو کا بھی بتایا۔ٹرمپ کے مطابق بظاہر طیارے کا معاون پائلٹ ممکنہ طور پر دہشت گرد تھا یا شاید ذہنی طور پر پریشان شخص تھا۔ ان کے بقول معاون پائلٹ نے پائلٹ پر چاقو سے حملہ کیا۔
یہ بھی پڑھیں: پاکستان ایشین گیمز کرکٹ کے فائنل میں پہنچ گیا،بنگلا دیش کو شکست
ٹرمپ نے کہا کہ ایک اسرائیلی پلمبر نے طیارے کی کنٹرول اسٹک سنبھال کر جہاز کو تباہ ہونے سے بچایا۔امریکی صدر نے ساتھ ہی واضح کیا کہ انہیں معلوم نہیں کہ یہ تفصیلات درست ہیں یا نہیں، تاہم ان کے بقول یہ کہانی انہیں اسرائیلی وزیراعظم نیتن یاہو اور ایک، دو دیگر افراد نے سنائی۔
