اسلام آباد ( پاک ترک نیوز) اپوزیشن لیڈر محمود خان اچکزئی کی زیرصدارت اہم اجلاس ہوا، جس میں ستائیس ستمبر کے لانگ مارچ کے حوالے سے مشاورت کی گئی۔اجلاس میں وزیراعظم شہباز شریف اور اپوزیشن لیڈر محمود خان اچکزئی کے درمیان ممکنہ ملاقات کے حوالے سے بھی تبادلہ خیال کیا گیا۔اجلاس میں پاکستان تحریک انصاف کے چیئرمین بیرسٹر گوہر علی، سلمان اکرم راجا، اسد قیصر اور سینیٹ میں اپوزیشن لیڈر علامہ راجا ناصر عباس نے شرکت کی۔
یہ بھی پڑھیں: ٹرمپ نے سعودی ولی عہد کی حوثیوں کے خلاف کارروائی کی درخواست مسترد کردی
اپوزیشن رہنماؤں نے ملک کی مجموعی اور بگڑتی ہوئی صورتحال پر تشویش کا اظہار کیا۔ اجلاس میں موجودہ سیاسی حالات کے تناظر میں تمام سیاسی جماعتوں سے رابطے کرنے کا فیصلہ کیا گیا۔اپوزیشن نے سیاسی جماعتوں کو ایک پلیٹ فارم پر اکٹھا کرنے کے لیے آل پارٹیز کانفرنس بلانے کا بھی فیصلہ کرلیا۔ اجلاس میں لانگ مارچ کی تیاریوں اور آئندہ کے سیاسی لائحہ عمل پر بھی مشاورت جاری رکھنے پر اتفاق کیا گیا۔
