اٹلی اور سپین نے غزہ امداد لے جانیوالے گلوبل سمڈ فلوٹیلا پر ڈرون حملوں کے بعد حفاظت کیلئے بحری جہاز بھیج دیئے

غزہ (پاک ترک نیوز) غزہ کی امداد کیلئے جانیوالے گلوبل سمڈ فلوٹیلا پر ڈرونا حملوں کے بعد حفاظت کیلئے اٹلی اور سپین کے بحری جہاز پہنچ گئے ۔
اسپین اور اٹلی نے بحیرہ روم میں بحری جہاز بھیجے ہیں، بحری جہازوں کو غزہ کی طرف امداد لے جانے والے گلوبل سمڈ فلوٹیلا (جی ایس ایف) کی حفاظت پر مامورکیا گیا ہے ۔
اٹلی نے کہا کہ وہ دوسرا جہاز بھیج رہا ہے، جبکہ سپین نے کہا کہ اس کی بحریہ بھی کارروائی کرے گی۔ روم نے گزشتہ روز بین الاقوامی پانیوں میں جی ایس ایف پر ڈرون حملے کے بعد ایک فریگیٹ روانہ کیا جب وہ امداد پہنچانے کے لیے غزہ جاتے ہوئے ڈرون حملے کی زد میں آ گیا۔
وزیر دفاع گیڈو کروسیٹو نے پارلیمنٹ کے ایوان زیریں سے خطاب میں کہا کہ ہم نے ایک جہاز بھیج دیا ہے اور دوسرا اپنے راستے پر ہے، کسی بھی صورت حال کے لیے تیار ہے۔