کراچی (پاک ترک نیوز ) نوجوان تاجر میر رضا کی ہلاکت کے کیس کی تحقیقات جاری ہیں، فیروز آباد پولیس اسٹیشن میں تحقیقاتی کمیٹی کا اجلاس ختم ہوگیا۔
تفتیشی ذرائع کے مطابق تحقیقاتی کمیٹی کا اجلاس تقریباً پونے چار گھنٹے تک جاری رہا، جبکہ کمیٹی کو ٹیکنیکل معاونت فراہم کرنے والی سی پی ایل سی کی ٹیم بھی اجلاس میں شریک ہوئی۔
ذرائع کا کہنا ہے کہ میر رضا کی لاش کی اطلاع ملتے ہی جائے وقوعہ پر پہنچنے والے پولیس اہلکاروں کے بیانات قلمبند کرلیے گئے ہیں۔
موبائل افسر سے ڈی ایس پی رینک تک کے افسران اور اہلکاروں کے بیانات بھی لیے گئے۔
اجلاس ختم ہوتے ہی تحقیقاتی کمیٹی کے ارکان مزید شواہد اور اہم پہلوؤں کا جائزہ لینے کے لیے کرائم سین کی جانب روانہ ہوگئے۔
