اسلام آباد ( پاک ترک نیوز) وفاقی وزیر داخلہ محسن نقوی نے این سی سی آئی اے ہیڈکوارٹرز کی زیر تعمیر عمارت کا اچانک دورہ کیا، جہاں اپ گریڈیشن منصوبے پر کام کی سست رفتاری اور مزدوروں کی غیر موجودگی پر برہمی کا اظہار کیا۔
دورے کے دوران عمارت میں صرف ایک مزدور کام میں مصروف نظر آیا۔ مزدور نے بتایا کہ منصوبے پر 9 افراد کام کرتے ہیں، تاہم گزشتہ چند روز سے کام رکا ہوا ہے۔
وفاقی وزیر داخلہ نے اپ گریڈیشن منصوبے پر کام کی سست رفتاری پر سخت ناراضی کا اظہار کرتے ہوئے موقع پر ہی متعلقہ حکام کو فون کیا اور ہیڈکوارٹرز کی اپ گریڈیشن پر کام تیز کرنے کی ہدایت کردی۔
یہ بھی پڑھیں:پاپ موسیقی کی ملکہ نازیہ حسن کو مداحوں سے بچھڑے 26 برس بیت گئے
محسن نقوی کا کہنا تھا کہ انہوں نے اچانک دورہ کیا اور منصوبے پر پیش رفت نہ ہونے پر افسوس ہوا۔ انہوں نے متعلقہ حکام کو ہدایت کی کہ منصوبے کو مقررہ رفتار کے مطابق آگے بڑھایا جائے اور کام میں مزید تاخیر برداشت نہیں کی جائے گی۔
