اسلام آباد ( پاک ترک نیوز) سپریم کورٹ نے بلوچستان کے حلقہ پی بی 9 کوہلو کے 4 پولنگ اسٹیشنز پر دوبارہ پولنگ کرانے کا الیکشن کمیشن کا فیصلہ معطل کردیا۔
عدالت نے مسلم لیگ ن کے امیدوار میر چنگیز خان مری کی رکنیت بھی بحال کردی۔جسٹس نعیم اختر افغان کی سربراہی میں سپریم کورٹ کے تین رکنی بینچ نے کیس کی سماعت کی اور فریقین کو نوٹسز جاری کرتے ہوئے سماعت اگست کے آخری ہفتے تک ملتوی کردی۔
الیکشن کمیشن نے پی بی 9 کوہلو کے 4 پولنگ اسٹیشنز پر 27 اگست کو دوبارہ پولنگ کرانے کا حکم دیا تھا۔
میر چنگیز خان مری نے الیکشن کمیشن کے اس فیصلے کو سپریم کورٹ میں چیلنج کیا تھا۔
یہ بھی پڑھیں: بحیرہ احمر میں حوثیوں کا تجارتی بحری جہاز پر حملہ، 3 پاکستانی جاں بحق
عدالت کے فیصلے کے بعد فی الحال چاروں پولنگ اسٹیشنز پر 27 اگست کو ہونے والا ری پول مؤخر ہوگیا ہے۔
