اسلام آباد ( پاک ترک نیوز) حکومت پاکستان جلد ہی حج کا ارادہ رکھنے والے شہریوںکے لیے ایک ایسی سیونگ سکیم کا اجرا کرنے جا رہی ہے جو مکمل طور پر شریعت کے مطابق ہو گی۔ اس سکیم کے تحت حج کا ارادہ رکھنے والے عام لوگ اپنی رقوم شرعی اصولوں کے مطابق اس حکومتی سکیم میں جمع کر سکیں گے۔
وزارت مذہبی امور کے مطابق اس سکیم کے شروع ہونے کے بعد حج کا ارادہ رکھنے والے لوگ صرف دس فیصد حج اخراجات پیشگی جمع کرانے کی بنیاد پر کئی سال قبل ہی اپنی حج بکنگ کرا سکیں گے۔ وزارت مذہبی امور کے سینیئر حکام کے مطابق امکانی طور پر یہ سکیم اگلے دو سےتین ماہ میں کام شروع ہو گی۔
پاکستان میں اسلامی بنکاری کو پہلے ہی بھرپور عوامی پزیرائی حاصل ہے۔ اب خصوصی طور پر حاجیوں کے لیے بھی شریعت کے مطابق یہ اس اسکیم کو متعارف کریا جا رہا ہے۔ تاہم یہ ابھی واضح نہیں ہے کہ حاجیوں کی اس بچت سکیم میں آنے والی رقم کو حکومت کہاںاستعمال کرے گی یا کن مدآت پر صرف کرے گی۔
یہ بھی پڑھیں: مکہ مکرمہ کے تاریخی اور ثقافتی مقامات سے آگہی کی مہم ’ذاکرہ مکہ‘ کا آغاز
بہر حال اس سکیم کے تحت حکومت کے پاس ایک بڑی رقم کئی برس پہلے سے ہی عازمین حج جمع کرانا شروع کر دیں گے، جو ایک ڈپازٹ کی صورت میں حکومت کے پاس موجود رہے گی۔
اس اقدام کو پاکستان کی طرف سے طویل مدتی حج فریم ورک کے سلسلے میں اہم قرار دیا جا رہا ہے۔ اس اسکیم کے تحت حج کے لیے اہل پاکستانی اپنی رجسٹریشن مع فیس کئی سال پہلے ہی جمع کرانا شروع کریں گے اور ساتھ ساتھ رقم جمع کرتے رہیں گے۔ یاد رہے وزیر اعظم شہباز شریف کی کابینہ نے اسی ماہ کے شروع میں حج کے لیے چار سالہ پالیسی کی منظوری دی تھی۔
ذرائعکا کہنا ہے کہ اس سلسلے میں حکومت سے باقاعدہ منظوری لی جا چکی ہے۔ یہ حج بچت سکیم مالیاتی اداروں کی مدد سے چلائی جائے گی۔اسکیم کے تحت اگر کوئی عازم حج 2035 میں حج کے لیے جانا چاہتا ہے تو ابھی سے بچت سکیم میں رقم جمع کرانا شروع کر سکتا ہے۔ یوںاسکے لئے حج کے سال اخراجات کی رقم جمع کرانا مشکل نہ ہوگا۔ البتہ آ غاز میںہر عازم حج کو دس فیصد اخراجات کے مطابق رقم پیشگی جمع کرانا ہو گی۔
مزید براںان شریعہ اکاؤنٹس کے تحت حاجیوں کو دونوں آپشنز دی جائیں گی کہ وہ نفع والے اکاؤنٹ میں اپنی رقوم رکھنا چاہیں گے یا بغیر منافع کے اکاؤنٹ میں رکھنا بہتر خیال کریں گے۔ ان کے سامنے دونوں آپشنز رکھی جائیں گی۔ منافع اتنا مل جائے گا کہ افراط زر کے بڑھنے سے حج اخرجات پر پڑنے والے اثرات کسی عازم حج کے لیے بوجھ نہں بنیں گے۔
