اسلام آباد (پاک ترک نیوز )چین کی کاوشوں کے بعد پاکستان کی امریکا اور ایران کے درمیان مذاکرات بحال کرانے کی کوششیں تیز ہو گئی ہیں ،
ذرائع کے مطابق پاکستان 5 ماہ سے جاری امریکا ایران جنگ ختم کرانے کے لیے متحرک ہو گیا ، اسلام آباد میں اہم سفارتی رابطے شروع کر دیئے گئے
ایرانی وزیر داخلہ اسکندر مومنی نے 10 روز میں دوسرا دورہ اسلام آباد کیا ہے اور آرمی چیف جنرل عاصم منیر سے ملاقات کی ہے
ذرائع کے مطابق آبنائے ہرمز کی بندش سے چینی معیشت متاثر ہو گئی ہے اور بیجنگ نے مشرق وسطیٰ کے تجارتی راستے کھلوانے کے لیے سفارتی حل پر زور دیا ہے
ذرائع کے مطابق سعودی عرب پاکستان کا دفاعی اور اسٹریٹجک اتحادی ہے، ایران کی زیادہ حمایت ریاض کو ناراض کر سکتی ہے۔
