ٹانک ( پاک ترک نیوز) ٹانک میں مشترکہ پولیس چیک پوسٹ پر فتنہ الخوارج کا بزدلانہ حملہ ،سکیورٹی فورسز کی بروقت جوابی کارروائی میں 12 خوارج ہلاک ہو گئے۔
حملہ آوروں نے بارود سے بھری گاڑی چیک پوسٹ کی بیرونی دیوار سے ٹکرا دی،دھماکے میں 15 سکیورٹی اہلکار جام شہادت نوش کر گئے۔
یہ بھی پڑھیں: وزیراعظم ،فیلڈ مارشل کے ہاتھوں اسکائی47 ڈیٹا سینٹر قراقرم ون کا افتتاح
دھماکے کی شدت سے چیک پوسٹ کے بنیادی ڈھانچے کو شدید نقصان پہنچا۔
آئی ایس پی آر کے مطابق حملہ 23 اور 24 جولائی کی درمیانی شب کیاگیا۔شہدا میں 12 فوجی جوان، 2 پولیس اہلکار اور محکمہ جنگلات کا ایک افسر شامل ہیں۔
