لاہور( پاک ترک نیوز) پاکستان گڈز ٹرانسپورٹ الائنس نے آل پاکستان پٹرول پمپ اونرز ایسوسی ایشن کی ہڑتال کی حمایت کر دی ۔کرائے پانچ فیصد بڑھانے کا اعلان کر دیا گیا۔
پاکستان گڈز ٹرانسپورٹ الائنس نے روزانہ کی بنیاد پر پیٹرولیم مصنوعات کی قیمتوں میں ردوبدل کا فیصلہ مسترد کر دیا، ملک شہزاد اعوان کا کہنا ہے وفاقی حکومت آل پاکستان پٹرول پمپ اونرز ایسوسی ایشن اور پیٹرولیم ڈیلر اایسوسی ایشن کے تمام جائز مطالبات تسلیم کرے۔
یہ بھی پڑھیں: پٹرول 4 روپے 93پیسے ،ڈیزل 7روپے 15پیسے فی لٹر مہنگا
ملک شہزاد اعوان نے کہا حکومت کی جانب سے کسی قسم کا کوئی ریلیف نہ ملا تو پاکستان بھر کی ہماری ٹرانسپورٹ کھڑی ہو جائے گی۔ وفاقی حکومت کی غلط پالیسیوں سے ٹرانسپورٹرز اور پیٹرول پمپ اونرز،ڈیلرز اایسوسی ایشن ملک گیر ہڑتال پر جارہے ہیں۔
