برگن سٹاک ( پاک ترک نیوز) وزیراعظم شہبازشریف کا کہناہے اسلام آباد مفاہمتی یادداشت کے فریم ورک کے تحت پہلا اجلاس کامیابی سے ختم ہو گیا۔
وزیراعظم شہبازشریف نے برگن سٹاک مذاکرات کے حوالے سے ٹوئٹ میں لکھا خوشگوار اور تعمیری ماحول میں مذاکرات میں حوصلہ افزا پیش رفت سامنے آئی ،فریقین نے 60 روز کے اندر حتمی معاہدے کے لیے روڈ میپ پر اتفاق کیا ہے۔
وزیراعظم شہبازشریف نے امریکا اور ایرانی قیادت کو خراج تحسین پیش کیا ،،مذاکرات میں کلیدی کردار ادا کرنے پر قطر سے اظہار تشکر کیا
وزیراعظم شہبازشریف نے،فیلڈ مارشل سید عاصم منیر کو بھی خراج تحسین پیش کرتے ہوئےلکھا فیلڈ مارشل کی انتھک کوششوں سے مذاکرات کامیاب ہوئے ،نائب وزیرا عظم اسحاق ڈار اور وزیر داخلہ محسن نقوی کی بھی تعریف کی ۔
وزیراعظم شہبازشریف نے کہا پاکستان خطے اور دنیا میں امن کے فروغ، مکالمے اور سفارت کاری کے ذریعے پائیدار اور دیرپا حل کے لیے اپنا مخلصانہ اور مثبت کردار آئندہ بھی ادا کرتا رہے گا۔
