ریاض ( پاک ترک نیوز) سعودی عرب میں زیر تعمیر جدہ ٹاور دنیا کی بلند ترین عمارت بننے کی جانب تیزی سے گامزن ہے ،اب اس کی تعمیر ایک نئے اہم مرحلے کے قریب پہنچ چکی ہے۔
تعمیر مکمل ہونے پر جدہ ٹاور کی بلندی ایک ہزار میٹر سے تجاوز کر جائے گی، یوں یہ موجودہ عالمی ریکارڈ ہولڈر برج خلیفہ کو پیچھے چھوڑ دے گی، جس کی موجودہ بلندی 828 میٹر ہے۔
جدہ ٹاور کے پراجیکٹ منیجر اور انجینئر کے مطابق تعمیراتی ٹیم عمارت کے تقریباً 160ویں فلور پر قائم ہونے والی مشاہداتی منزل "اسکائی ٹیرس” تک پہنچنے کے لیے انتہائی تیزی سے کام کر رہی ہے۔ ان کا کہنا ہے کہ یہ اہم سنگِ میل تقریباً 60 ہفتوں میں حاصل ہونے کی توقع ہے۔
انہوں نے بتایا کہ عمارت اس وقت 104ویں منزل کے قریب پہنچ چکی ہے اور اس کی بلندی 400 میٹر سے تجاوز کر گئی ہے۔ تعمیراتی رفتار اوسطاً 4 میٹر فی ہفتہ ہے، جس کے باعث اگلے 25 ہفتوں میں 500 میٹر کی سطح تک پہنچنے کی امید ہے۔
جدہ ٹاور کے معمار نے کہا پائیدار تعمیرات کی اہمیت پر زور دیتے ہوئے کہا کہ مستقبل کی عمارتوں میں صرف بلندی نہیں بلکہ ماحولیاتی کارکردگی بھی اہم ہوگی۔ ان کے مطابق جدہ ٹاور انتہائی مؤثر ڈیزائن کے ساتھ زیادہ بلندی حاصل کر رہا ہے۔
یہ منصوبہ سعودی عرب کے وژن 2030 کا اہم حصہ ہے اور جدہ اکانومی سٹی نامی وسیع شہری منصوبے کا مرکزی عنصر سمجھا جاتا ہے، جو 53 لاکھ مربع میٹر پر محیط ہے۔
