اسلام آباد ( پاک ترک نیوز) تحریک انصاف کے سینیٹر علی ظفر کا کہنا ہے عالمی منڈی میں تیل کی قیمتوں میں کمی پر عوام کو فوری ریلیف ملنا چاہیئے۔
سینیٹر علی ظفر نے کہا حکومت کا مقصد عوامی فلاح نہیں بلکہ اقتدار بچانا ہے،یہ عوام دوست نہیں بلکہ غریب دشمن اور ظالمانہ بجٹ ہے بجٹ میں عام آدمی کی فلاح و بہبود کا کوئی واضح روڈ میپ نظر نہیں آتا۔
علی ظفر نے کہا حکومت بجٹ پاس تو کروا لے گی، اپوزیشن بھرپور مخالفت جاری رکھے گی، کم ماہانہ آمدن والوں کو غریب نہ کہنا قوم کے ساتھ مذاق ہے۔
پی ٹی آئی کے سینیٹر علی ظفر نے کہا موجودہ حکومت نے مہنگائی، ڈی ویلیوایشن اور اخراجات کے نئے ریکارڈ قائم کیے، موجودہ بجٹ سے غریب آدمی مزید مشکلات کا شکار ہوگا۔
