اسلام آباد (پاک ترک نیوز) وزیراعظم شہباز شریف سے وزیر خزانہ محمد اورنگزیب کی ملاقات ہوئی ہے ، وزیر خزانہ نے وزیراعظم کو اقتصادی سروے رپورٹ پیش کر دی ۔
ملاقات میں وفاقی وزیر اسٹیبلشمنٹ احد چیمہ اور سیکریٹری خزانہ نے بھی شرکت کی ۔
رواں مالی سال کا قومی اقتصادی سروے آج پیش ہو گا،وزیر خزانہ محمد اورنگزیب نیوز کانفرنس کے ذریعے سروے پیش کریں گے۔
دستاویز کے مطابق رواں مالی سال زیادہ تر معاشی اہداف حاصل نہ ہوسکے، جی ڈی پی گروتھ 3.7 فیصد رہی، ہدف 4.2 فیصد تھا، فی کس آمدن کا سالانہ ہدف بھی پورا نہ ہوسکا۔
پاکستانی کرنسی میں فی کس سالانہ آمدن 5 لاکھ 33 ہزار 629 روپے ہوگئی، زراعت اور صنعتی شعبے کی ترقی کا ہدف پورا نہ ہوسکا، زرعی شعبے کی شرح نمو 2.89 فیصد رہی جبکہ ہدف 4.5 فیصد تھا۔
