مری،سیاحوں کی وین کو آگ لگ گئی،4افرادجاں بحق،12زخمی

.مری ( پاک ترک نیوز) مری ایکسپریس وے پر راولپنڈی سے مری جانے والی سیاحوں کی وین کو آگ لگ گئی،چار افراد جھلس کر جاں بحق، بارہ شدید زخمی ہو گئے ۔
ڈی سی مری کے مطابق وین میں سولہ افراد سوار تھے۔گاڑی اوور سپیڈ ہونے کی وجہ سے سائیڈ دیوار سے ٹکرا گئی ، انجن میں لگنے والی آگ نے پوری وین کو لپیٹ میں لے لیا۔
آگ لگنےسے سلائیڈنگ دروازہ بھی لاک ہو گیا ۔
ریسکیو اہلکاروں نے زخمیوں کو اسپتال پہنچایا ،فائر بریگیڈ عملے نے وین کو لگی آگ پر قابو پایا، ،ترجمان پولیس کے مطابق آگ لگنے کی وجوہات جاننے کے لیے تحقیقات کا آغاز کر دیا گیا۔