کوٹ ادو(پاک ترک نیوز ) مظفرگڑھ کینال میں لوڈ رکشہ گرنے سے جاں بحق افراد کی تعداد 12 ہوگئی، ریسکیو اہلکاروں کے مطابق مزید تین لاشیں برآمد کرلی گئیں ،جاںبحق افراد میں خواتین اور بچے شامل ہیں
ریسکیو اہلکارو ں کے مطابق حادثے میں جاں بحق ہونے والوں میں 14 سالہ دلاؤر، 7 سالہ منیب، 58 سالہ سکینہ بی بی اور 15 سالہ سمیرا بی بی، 9 سالہ راجو، 7 سالہ محمد سبطین، 11 سالہ ظریف اور 35 سالہ اقبال بی بی شامل ہیں
چنگچی رکشہ نہر میں الٹ جانے سے مرنے والوں میں 13 سالہ کلیم اللہ، 12 سالہ محمد جلال، 5 سالہ محمد علی اور محمد سیم بھی شامل ہیں ۔ مظفرگڑھ کینال میں باراتیوں سے بھرا لوڈر رکشہ گرنے کے بعد 3 افراد تاحال لاپتہ ہیں۔ لاپتہ افراد کی تلاش کے لیے ریسکیو آپریشن تاحال جاری، سکوبا ڈائیونگ اور بوٹ سرچ کا استعمال کیا جا رہا ہے۔
وزیراعلیٰ پنجاب مریم نواز نے مظفرگڑھ کینال حادثے میں قیمتی انسانی جانوں کے ضیاع پر اظہار افسوس کیا ہے اور سوگوار خاندانوں سے اظہار ہمدردی و تعزیت کیا ہے ٓ
وزیراعلیٰ پنجاب نےلاپتہ افراد کی تلاش کے لیے تمام دستیاب وسائل بروئے کار لانے کا حکم دے دیا ، مریم نواز شریف کی ہدایت پر لاپتہ افراد کی تلاش کے لیے ریسکیو آپریشن مزید تیز کردیا گیا۔
