لاہور( پاک ترک نیوز) پاکستان ویمنز کرکٹ ٹیم آئندہ ماہ سری لنکا کا دورہ کرے گی۔ دونوں ٹیموں کے درمیان چھ وائٹ بال میچز ہمبنٹوٹا میں کھیلے جائیں گے۔
پاکستان اور سری لنکا کے درمیان تین ون ڈے انٹرنیشنل میچز 23، 25 اور 28 جولائی کو کھیلے جائیں گے۔
پاکستان ویمنز ٹیم دورے میں تین ٹی ٹوئنٹی انٹرنیشنل میچز بھی کھیلے گی۔ٹی ٹوئنٹی انٹرنیشنل میچز 31 جولائی، 2 اگست اور 4 اگست کو شیڈول ہیں۔
ون ڈے انٹرنیشنل سیریز آئی سی سی ویمنز چیمپین شپ 2025-29 کا حصہ ہوگی۔پاکستان ویمنز ٹیم چیمپئن شپ میں اس وقت دوسرے نمبر پر موجود ہے۔پاکستان نے چیمپئن شپ میں اب تک چھ میں سے چار میچز جیت کر آٹھ پوائنٹس حاصل کیے ہیں۔
