ابوجہ(پاک ترک نیوز ) نائیجیریا میں مسجد کے احاطے میں نماز کے دوران فائرنگ کردی گئی۔فائرنگ سے 27 نمازی شہید جبکہ متعدد زخمی ہوگئے۔
فائرنگ کی اطلاع پر پولیس کی بھاری نفری اور امدادی ٹیمیں بھی موقع پر پہنچ گئیں، شہید ہونے والے نمازیوں اور زخمیوں کو فوری طور پر ہسپتال منتقل کر دیا گیا جہاں پر متعدد زخمیوں کی حالت تشویشناک بتائی گئی ہے۔
پولیس نے واقعہ کی تحقیقات شروع کردی، دوسری جانب حملے کی ذمہ داری تاحال کسی نے قبول نہیں کی۔
یاد رہے کہ نائجیریا کی شمال مغربی ریاست کدونا میں بھی نامعلوم مسلح ملزمان نے مسجد میں داخل ہوکر نمازیوں پر اندھا دھند فائرنگ کردی تھی جس کے نتیجے میں 7 نمازی شہید اور متعدد زخمی ہوگئے تھے۔
ریاست کدونا کے دور دراز کے گاؤں کی مسجد میں فائرنگ اس وقت کی گئی تھی جب بڑی تعداد میں نمازی عبادت کر رہے تھے، ملزم پوری کارروائی اطمینان سے کرکے فرار ہوگئے تھے۔
نائیجیریا: مسجد میں نماز کے دوران فائرنگ، 27 افراد شہید، متعدد زخمی
