اسلام آباد ( پاک ترک نیوز) پلگ اِن گاڑیوں کی عالمی رجسٹریشنز اپریل 2026 میں سالانہ بنیاد پر 9 فیصد اضافے کے ساتھ تقریباً 16 لاکھ یونٹس تک پہنچ گئیں۔ ۔ خالص الیکٹرک گاڑیوں کی فروخت میں 19 فیصد اضافہ ہوا، جبکہ پلگ اِن ہائبرڈز کی فروخت 9 فیصد کم رہی۔یہ 2019 کے بعد پہلی بار ہوا ہے کہ پلگ اِن ہائبرڈ گاڑیوں کی فروخت مسلسل چار ماہ تک منفی رہی۔
سال دو ہزار چھبیس کے ابتدائی چار ماہ میں پلگ اِن گاڑیوں کی مجموعی فروخت صرف 1 فیصد بڑھی، پلگ اِن ہائبرڈز میں 10 فیصد کمی دیکھی گئی، جبکہ بیٹری الیکٹرک گاڑیوں کی فروخت 7 فیصد اضافے کے ساتھ دوبارہ معمول کی طرف لوٹ رہی ہے۔
اپریل میں پلگ اِن گاڑیوں کی مجموعی فروخت میں بیٹری الیکٹرک گاڑیوں کا حصہ 72 فیصد رہا، جو تقریباً 11 لاکھ 50 ہزار یونٹس بنتا ہے۔ یہ گزشتہ چند برسوں کے بہترین نتائج میں شمار ہوتا ہے۔ سالانہ بنیاد پر اب BEVs اور PHEVs کا تناسب 70 فیصد بمقابلہ 30 فیصد ہو چکا ہے، جو گزشتہ 12 برسوں میں بیٹری الیکٹرک گاڑیوں کے بلند ترین حصص کے قریب ہے۔
امریکا میں گزشتہ اکتوبر میں مراعات کے خاتمے اور چین میں 2025 کے اختتام پر جزوی مراعات واپس لینے کے اثرات واضح طور پر سامنے آئے ہیں، کیونکہ یہ دونوں دنیا کی سب سے بڑی الیکٹرک گاڑیوں کی منڈیاں ہیں۔
دلچسپ امر یہ ہے کہ اگر چین اور امریکا کو اعدادوشمار سے نکال دیا جائے تو اپریل میں عالمی سطح پر الیکٹرک گاڑیوں کی فروخت میں 50 فیصد اضافہ ریکارڈ کیا گیا، جبکہ بیٹری الیکٹرک گاڑیوں کی فروخت 63 فیصد بڑھ گئی، جو جون 2023 کے بعد سب سے زیادہ شرح نمو ہے۔
پلگ اِن ہائبرڈ گاڑیاں بھی اس پیمانے پر کمزور دکھائی دیتی ہیں۔ چین اور امریکا کو نکالنے کے بعد بھی اپریل میں PHEVs کی شرح نمو صرف 23 فیصد رہی، جو ایک سال سے زائد عرصے میں اس ٹیکنالوجی کی کم ترین کارکردگی ہے۔ اس سے اندازہ ہوتا ہے کہ پلگ اِن ہائبرڈز کی سست روی عارضی نہیں بلکہ ساختی نوعیت اختیار کر سکتی ہے۔
دنیا کے کئی ممالک میں الیکٹرک گاڑیوں کی فروخت تیزی سے بڑھ رہی ہے آسٹریلیا میں BEVs کی فروخت 157 فیصد بڑھی اور مارکیٹ شیئر 16 فیصد تک پہنچ گیا۔ اٹلی میں فروخت 99 فیصد اضافے کے ساتھ 9 فیصد مارکیٹ شیئر تک پہنچ گئی۔ ارجنٹینا میں BEVs کی فروخت ایک سال پہلے 100 یونٹس سے بھی کم تھی، جو اب 1,300 یونٹس سے تجاوز کر چکی ہے۔ آئرلینڈ میں فروخت دوگنی ہو کر 3,000 یونٹس اور 27 فیصد مارکیٹ شیئر تک پہنچ گئی۔ جنوبی کوریا میں فروخت 160 فیصد اضافے کے ساتھ 36 ہزار یونٹس اور 24 فیصد شیئر تک جا پہنچی۔ ویتنام میں BEVs کی فروخت تین گنا بڑھ کر 26 ہزار یونٹس اور 43 فیصد مارکیٹ شیئر تک پہنچ گئی۔ جاپان میں فروخت دوگنی سے زیادہ ہو کر 7 ہزار یونٹس تک پہنچی، اگرچہ مارکیٹ شیئر اب بھی 2 فیصد ہے۔ انڈونیشیا میں فروخت 93 فیصد اضافے کے ساتھ 15 ہزار یونٹس اور 18 فیصد شیئر تک پہنچ گئی۔
ملائیشیا میں فروخت 104 فیصد بڑھ کر 6 ہزار یونٹس اور 8 فیصد مارکیٹ شیئر تک جا پہنچی۔
دنیا بھر میں الیکٹرک گاڑیوں کی فروخت میں اضافہ
