بلوچستان میں سکیورٹی فورسز کا آپریشن ،6دہشت گرد ہلاک

کوئٹہ ( پاک ترک نیوز) بلوچستان کے ضلع پنجگور میں انٹیلی جنس بیسڈ آپریشن۔چھ دہشت گرد ہلاک ہو گئے ،ہشت گردوں کے ٹھکانے سےاسلحہ اور دھماکہ خیز مواد برآمد کیا گیا۔
آئی ایس پی آر کے مطابق بھارتی پراکسی فتنہ الہندستان سے تعلق رکھنے والے دہشت گردوں کی موجودگی پر آپریشن کیا گیا ۔ سکیورٹی فورسز نے دہشت گردوں کے متعدد ٹھکانوں کو مؤثر انداز میں نشانہ بنایا ، شدید فائرنگ کے تبادلے میں بھارتی اسپانسرڈ 6 دہشت گرد ہلاک کر دیے گئے۔
ہلاک دہشت گرد علاقے میں متعدد دہشت گرد کارروائیوں میں سرگرم رہے تھے۔ علاقے میں موجود کسی بھی دوسرے بھارتی اسپانسرڈ دہشت گرد کے خاتمے کے لیے کلیئرنس آپریشن جاری ہے۔سکیورٹی فورسز اور قانون نافذ کرنے والے ادارے عزمِ استحکام کے تحت دہشت گردی کے خلاف بلا تعطل کارروائیاں جاری رکھیں گے،پاکستان سے بیرونی سرپرستی میں ہونے والی دہشت گردی کے مکمل خاتمے تک انسداد دہشت گردی مہم پوری رفتار سے جاری رہے گی۔