کراچی ( پاک ترک نیوز) کاروباری برادری اور عوام کو بڑا ریلیف مل گیا ۔پنجاب کے بعد سندھ میں میں کاروباری اوقات کی پابندی ختم ، شاپنگ مالز، مارکیٹس اور ہوٹلز کو اوقات کار میں نرمی دے دی گئی،ریسٹورنٹس، فوڈ آؤٹ لیٹس اور شادی ہالز بھی پابندی سے مستثنیٰ قرار،سندھ حکومت کی طرف سے نوٹیفکیشن جاری کر دیا گیا ۔
سندھ کے وزیر شرجیل انعام میمن کا کہنا ہے حکومت سندھ نے مشکل معاشی حالات میں بھی عوام اور کاروباری طبقے کے مفادات کا تحفظ یقینی بنایا تاجر ملکی معیشت میں ریڑھ کی ہڈی کی حیثیت رکھتے ہیں ، حکومت ان کے مسائل کے حل کے لیے ہر ممکن اقدامات جاری رکھے گی ، آئندہ بھی ایسے فیصلے کیے جائیں گے جو معیشت، روزگار اور کاروباری سرگرمیوں کے فروغ میں معاون ثابت ہوں۔












