پاک آسٹریلیا ون ڈے سیریز ،ٹکٹوں کی فروخت 22مئی سے شروع ہو گی

لاہور( پاک ترک نیوز) پاکستان آسٹریلیا ون ڈے سیریز کے ٹکٹوں کی فروخت 22 مئی سے شروع ہو گی۔
شائقین نجی کوریئر سروس کی ویب سائٹ کے ذریعے آن لائن ٹکٹیں بک کرا سکیں گے،جنرل انکلوژر کے لیے کم از کم قیمت 200 روپے مقرر کی گئی۔
فرسٹ کلاس ٹکٹ 300، پریمیئم 400، وی آئی پی ٹکٹ 500 میں دستیاب ہو گی،راولپنڈی میچ کے لیے وی آئی پی گیلری ٹکٹ 1500 روپے میں دستیاب ہو گا۔لاہور میں اقبال اینڈ وی آئی پی ٹکٹ کی قیمت 1000 روپے مقررکی گئی ،جناح اینڈ وی آئی پی ٹکٹ 1500 روپے میں دستیاب ہو گا،کارپوریٹ اور ہاسپیٹیلٹی نشستوں کے لیے پی سی بی ہیڈ آفس سے رابطہ کرنے کی ہدایت کی گئی ہے۔