پاکستان نے پہلی بار فتح3 سپر سانک کروز میزائل کی جھلک دکھا دی

اسلام آباد ( پاک ترک نیوز) پاکستان نے پہلی بار فتح-3 سپر سانک کروز میزائل کی جھلک دکھا دی۔۔ پاکستان تیز رفتار اور انتہائی خطرناک اسٹرائیک صلاحیت کے قریب پہنچ گیا۔ چینی میزائل HD-1 سے مشابہت رکھنے والے “فتح-3” نے بھارت کے لیے نئی دفاعی پریشانی کھڑی کر دی۔
آئی ایس پی آر کی جانب جاری ویڈیو میں پہلی بار “فتح-3” نامی سپر سانک کروز میزائل کو دکھایا گیا۔ فتح-3 کی ساخت چینی کمپنی کے تیار کردہ HD-1 میزائل سے کافی حد تک مشابہت رکھتی ہے۔
دونوں میزائلوں میں چار اطرافی ریم جیٹ انٹیکس، سالڈ فیول راکٹ بوسٹر کنفیگریشن، اور مجموعی ایئر فریم ڈیزائن ایک جیسا دکھائی دیتا ہے۔ HD-1 ایک سپر سانک زمین سے زمین اور اینٹی شپ میزائل کے طور پر جانا جاتا ہے۔
دفاعی تجزیہ کاروں کا کہنا ہے کہ اصل اہمیت اس بات کی ہے کہ پاکستان آرمی راکٹ فورس کمانڈ مستقبل میں سپر سانک کروز صلاحیت حاصل کرنے کے منصوبے پر کام کر رہی ہے ،پاکستان کے میزائل پروگرام پر نظر رکھنے والے دفاعی ادارے Quwa نے پہلے بھی امکان ظاہر کیا تھا کہ پاکستان چین سے سپر سانک کروز میزائل حاصل کر سکتا ہے۔