صدر آصف علی زرداری کی روسی صدر ،عوام کو یوم فتح پر مبارکباد

اسلام آباد ( پاک ترک نیوز) صدر مملکت آصف زرداری نے روسی صدر ولادیمیر پوتن اور روسی عوام کو یومِ فتح پر مبارکباد دی ہے ،اپنے پیغام میں کہا فسطائیت کے خلاف عظیم جنگ میں فتح روسی عوام کی قربانیوں کی پُروقار یادگار ہے،یہ تاریخی کامیابی عالمی امن، سلامتی اور استحکام کے لیے روس کے کردار کی علامت ہے۔
صدر مملکت نے کہا پاکستان روس کے ساتھ تعلقات کو قدر کی نگاہ سے دیکھتا ہے، اکستان منصفانہ، پرامن اور قواعدوضوابط پر مبنی عالمی نظام کے لیے مشترکہ عزم پر یقین رکھتا ہے۔
صدر مملکت نے نازی ازم کے خلاف جنگ میں جان قربان کرنے والوں کو خراجِ تحسین کیا ، اتحادی افواج میں خدمات انجام دینے والے آج کے پاکستان کے سپاہیوں کو بھی خراجِ عقیدت پیش کیا ۔
صدر زرداری نے کہا پاک روس تعاون، دوستی اور باہمی مفاہمت میں مزید مضبوطی کیلئے پرامید ہوں۔