محسن نقوی کی ایرانی ہم منصب سے ملاقات

تہران ( پاک ترک نیوز) وزیر داخلہ محسن نقوی نے تہران میں ایرانی ہم منصب سکندر مومنی سے ملاقات کی ہے جس میں خطے کی تازہ ترین صورتحال پر تفصیلی تبادلہ خیال کیا گیا ۔
ایرانی وزیر داخلہ نے جنگ بندی اور مصالحتی کردار پر پاکستان کی تاریخ ساز کاوشوں کو سراہا ،کہاجنگ بندی برادر ملک پاکستان کی ثالثی میں ہوئی ،ایران پاکستان کا مخلصانہ اور مثبت کردار ہمیشہ یاد رکھے گا۔
محسن نقوی نے کہا پاکستان خطے میں پائیدار امن اور استحکام چاہتا ہے۔ مشرق وسطیٰ تنازعہ کے دیرپا حل کے لئے مخلصانہ کاوشیں کی جارہی ہیں۔جنگ کسی مسئلے کا حل نہیں۔ ڈائیلاگ ہی میں تنازعات کا حل ہے۔