اسلام آباد (پاک ترک نیوز )ایوان صدر میں اہم بیٹھک ہوئی ہے ۔صدر مملکت آصف علی زرداری اور وزیراعظم شہباز شریف کی بڑی ملاقات میں اہم معاملات پر مشاورت کی گئی ،صدر نے ایران امریکہ مذاکرات کے دوران پاکستان کے کردار اور کوششوں کی تعریف کی،وزیراعظم سے ملاقات میں صدر مملکت مذاکرات کی میزبانی میں پاکستان کی انتھک کوششوں کو سراہا،خطے میں موجودہ سلامتی اور سفارتی صورتحال پر تبادلہ خیال کیا گیا ، صدر نے کہا اس صورتحال کے نہ صرف خطے بلکہ عالمی سلامتی، معیشت اور سیاست پر بھی بہت دور رس اثرات مرتب ہوتے ہیں،ملاقات کے دوران وزیراعظم نے صدر مملکت کو ایران اور امریکہ کے درمیان مذاکرات کے تمام پہلوؤں پر اعتماد میں لیا،وزیراعظم نے مذاکرات کے مختلف مراحل اور پاکستان کی ثالثی سے حاصل ہونے والی پیش رفت کے بارے میں تفصیلی بریفنگ دی۔اورصدرمملکت کو امن کی کوششوں کو فروغ دینے کے لیے مزید اپنے آئندہ کے دورے سے بھی آگاہ کیا،صدر زرداری نے اس سفارتی اقدام کو کامیاب بنانے میں انتھک کوششوں پر وزیراعظم کی تعریف کی،صدر زرداری نے کہا تمام اسٹیک ہولڈرز کے درمیان ہم آہنگی اس اعلیٰ سطحی مصروفیت کو آسان بنانے میں اہم کردار ادا کرتی ہے
ایوان صدر میں بڑی بیٹھک ،صدر زرداری ،وزیراعظم کی ملاقات
