اسلام آباد ( پاک ترک نیوز) ایک سو نوے ملین پاؤنڈ کیس میں سزا معطلی کے لیے بانی پی ٹی آئی اور بشریٰ بی بی کی درخواستوں پر سماعت ہوئی ۔
اسلام آباد ہائیکورٹ میں بیرسٹر سلمان صفدر نے دلائل دیئے اور بانی پی ٹی آئی اور بشریٰ بی بی سے ہدایات لینے کیلئے مہلت کی استدعا کی ۔
بیرسٹر سلمان صفدر نے کہا پانچ ماہ سے بانی اور بشریٰ بی بی سے ملاقات نہیں ہوئی ،ملاقات کے بغیر کچھ نہیں کہہ سکتا۔
چیف جسٹس سرفراز ڈوگر نے ریمارکس دیئے ،آپ ہدایات لے لیجئے ، ہم کوئی اور تاریخ رکھ لیتے ہیں ،کیس کی سماعت پیر تک ملتوی کر دی گئی۔
بانی پی ٹی آئی ،بشریٰ بی بی کی درخواستوں پر سماعت ملتوی
