لاہور( پاک ترک نیوز) ملک بھر میں عید الفطر کا دوسرا دن بھی خوشیوں اور روایتی سرگرمیوں کے ساتھ منایا جا رہا ہے۔ رشتہ داروں سے ملاقاتیں، پارکس اور فوڈ اسٹریٹس پر رش اور بچوں کی مستیاں ہو رہی ہیں — ہر طرف عید کی خوشیاں بکھری ہوئی ہیں۔
عید دراصل محبت، بھائی چارے اور اپنائیت کا پیغام دیتی ہے یہی وجہ ہے کہ لوگ اس موقع پر ایک دوسرے کے قریب آتے ہیں۔عید کے دوسرے دن بھی خوشیوں کا سلسلہ جاری ہے۔شہری اپنے رشتہ داروں اور دوستوں کے گھروں کا رخ کر رہے ہیں اور عید کی خوشیاں ایک دوسرے کے ساتھ بانٹ رہے ہیں۔، شہریوں کا کہناہے عید کے دوسرے دن ہم زیادہ تر رشتہ داروں کے گھر جاتے ہیں اور سب کے ساتھ وقت گزارتے ہیں۔
عید کے دوسرے روز بازاروں اور فوڈ اسٹریٹس میں بھی رش دیکھنے میں آ رہا ہے جہاں شہری اہل خانہ کے ساتھ کھانے پینے اور سیر و تفریح کے لیے پہنچ رہے ہیں۔
دوسری جانب شہر کے پارکس اور تفریحی مقامات پر بھی شہریوں کی بڑی تعداد موجود ہے جہاں بچے اور نوجوان عید کی خوشیوں سے لطف اندوز ہو رہے ہیں۔ یوں عید کے دوسرے دن بھی خوشیوں، محبت اور اپنائیت کا ماحول برقرار ہے اور لوگ اس موقع کو یادگار بنانے میں مصروف ہیں۔
