تہران ( پاک ترک نیوز) ایران کے سپریم لیڈر آیت اللہ خامنہ ای شہیدہو گئے۔
تفصیلات کے مطابق ایرانی میڈیا نے سپریم لیڈر آیت اللہ علی خامنہ کی شہادت کی تصدیق کر دی، انہیں دفتر میں فرائض کی انجام دہی کے دوران شہید کیا گیا، ان کا بیٹا، بہو اور نواسی بھی شہید ہو گئے، اسرائیلی میڈیا نے ایران کے 40 سے زیادہ حکام قتل کرنے کا دعویٰ کیا ہے، ایران نے 27 امریکی اسرائیلی اہداف پر حملوں کی نئی لہر شروع کر دی۔
1989 سے ایران کے سپریم لیڈر آیت اللہ علی خامنہ ای کو امریکی و اسرائیلی حملے میں اس وقت قتل کیا گیا جب وہ اپنے دفتر میں اپنے فرائض منصبی انجام دے رہے تھے، ایرانی حکومت نے ان کی شہادت پر سات روزہ تعطیل اور چالیس روزہ سوگ کا اعلان کیا ہے، ایران نے خامنہ ای کی شہادت کا بدلہ لینے کا اعلان کیا ہے اور واضح کیا ہے کہ اسرائیلی اور امریکی اڈوں پر حملوں کی نئی لہر شروع کی جائے گی۔
سپریم لیڈرآیت اللہ خامنہ ای کی شہادت پر ایرانی حکومت نے 40روز کےسوگ کااعلان کیا ہے ،ایران میں تمام سرکاری ونیم سرکاری ادارے7روزبند رہیں گے۔
ایرانی فوج کا کہنا ہے کہ سپریم لیڈرکی شہادت کابدلہ بہت جلد لیا جائے گا،وہ دیکھ لیں گے کہ انہوں نے کیا کیا ہے۔پاسداران انقلاب نے اعلان کیا ہے کہ اسرائیل اورامریکی بیسز پرشدید آپریشن شروع کرنے والے ہیں۔
ایرانی حکومت کی جانب سے جاری بیان میں کہا گیا ہے کہ رہبر انقلاب کے قتل کا جرم سزاسے نہیں بچ سکے گا،رہبرانقلاب کا پاک خون امریکا اوراسرائیلی حکومتوں کوجڑسے اکھاڑدے گا۔
ایرانی خبرایجنسی کے مطابق ایرانی صدر، عدلیہ کے سربراہ اور نگہبان کونسل کے ایک فقیہ پر مشتمل کونسل فرائض سنبھالے گی۔
خیال رہے کہ آیت اللہ خامنہ ای نے آخری خطاب میں آخری دعا مانگی تھی کہ یااللہ مجھے شہادت نصیب فرما، یاللہ مجھے شہدا کے ساتھ رکھنا۔
ایران کے سپریم لیڈر آیت اللّٰہ خامنہ ای کی شہادت پر عراق میں مقدس روضوں پر انقلاب کی علامت سرخ لائٹیں روشن کردی گئی ہیں۔
سپریم لیڈر کی شہادت کے بعد ایران کے شہر مشہد میں حرم امام رضا کے گنبد پر سیاہ پرچم لہرایا دیا گیا، یہ پرچم روایتی مذہبی عزاء یا سوگ کے مواقع پر لہرایا جاتا ہے۔
ایرانی میڈیا کے مطاق آیت اللہ علی خامنہ ای کے انتقال پر مشہد میں سوگ کی فضاء ہے، آیت اللہ علی خامنہ ای کی شہادت کے بعد مشہد میں عوام بڑی تعداد میں جمع ہوگئے۔
حرم امام رضا سے ویڈیو جاری کر دی گئی جس میں کئی افراد غم سے نڈھال ہو کر زمین پر بیٹھے نظر آئے۔
ایران کے سپریم لیڈر آیت اللہ خامنہ ای شہیدہو گئے
