تہران ( پاک ترک نیوز) ایران نے امریکی حملوں کے جواب میں خطے میں امریکی اہداف پر حملے کر دیئے ،ایران کے پاسداران انقلاب کا دعویٰ کیا ہے کہ انہوں نے ایران پر حالیہ امریکی حملوں کے جواب میں اردن، بحرین اور کویت میں امریکی اہداف اور فوجی اڈوں کو نشانہ بنایا ہے۔
پاسداران انقلاب کے مطابق اردن کی پرنس حسن ائیر بیس پر میزائل اسٹوریج اور فیول ٹینکس کو نشانہ بنایا گیا جبکہ بحرین کی شیخ عیسیٰ ائیر بیس پر امریکی فوج کے ڈرون کمانڈ اینڈ کنٹرول سینٹر کو نشانہ بنایا گیا۔
پاسداران کے مطابق کویت میں علی السالم ائیر بیس پر پیٹریٹ ائیر ڈیفنس سسٹم اور فیول اسٹوریج ٹینکس کو مکمل طور پر تباہ کردیا گیا جبکہ احمد الجابر فوجی اڈے پر ایک ایف پی ایس ریڈار سسٹم کو بھی نشانہ بنایا گیا۔
یہ بھی پڑھیں: پاکستان کا مشرق وسطی میں بڑھتی ہوئی کشیدگی پر گہری تشویش کا اظہار
ایرانی فوج نے دعویٰ کیا ہے کہ اس نے ایران پر ہونے والے تازہ امریکی حملوں کے جواب میں کویت میں موجود ان مقامات کو نشانہ بنایا جہاں امریکی افواج تعینات ہیں۔
ایرانی فوج کے مطابق حملوں میں ائیر ڈیفنس سسٹم، میزائل سسٹم، پناہ گاہوں اور امریکی فوج کی معاون تنصیبات کو نشانہ بنایا گیا۔
