مظفر آباد (پاک ترک نیوز )آزاد کشمیر میں نئی حکومت کی تشکیل کا عمل تیز۔میاں نواز شریف نے نومنتخب وزیراعظم آزاد کشمیر سید افتخار گیلانی کو لاہور طلب کرلیا
ذرائع کے مطابق مسلم لیگ ن کے صدر اور سابق وزیراعظم میاں محمد نواز شریف سے نومنتخب وزیراعظم آزاد کشمیر سید افتخار گیلانی نے رابطہ کیا ہے۔
ذرائع کے مطابق نواز شریف نے نومنتخب وزیراعظم آزاد کشمیر کو کل لاہور ملاقات کے لیے بلا لیا ہے۔
اہم ملاقات میں سید افتخار گیلانی آزاد کشمیر کی وزارتِ عظمیٰ کے لیے نامزد کیے جانے پر میاں محمد نواز شریف کا شکریہ ادا کریں گے۔
ذرائع کے مطابق ملاقات میں آزاد کشمیر کی نئی حکومت کے حوالے سے اہم امور پر تفصیلی مشاورت ہوگی۔
یہ بھی پڑھیں:نواز شریف کا لاہور کے مختلف علاقوں کا دورہ، ترقیاتی کاموں کا معائنہ
خصوصاً کابینہ کی تشکیل، مشیروں کی تعیناتی اور مختلف محکموں کے قلمدانوں کے حوالے سے بات چیت متوقع ہے۔
مسلم لیگ ن کے ذرائع کا کہنا ہے کہ آزاد کشمیر کی نئی کابینہ کی تشکیل کے لیے مشاورت تیز کر دی گئی ہے اور کابینہ پیر یا منگل کو تشکیل دیے جانے کا امکان ہے۔
کابینہ کے ارکان کی حلف برداری بھی اسی دوران متوقع ہے، جس میں قائم مقام صدر آزاد کشمیر نئے کابینہ ارکان سے حلف لیں گے۔
