لاہور کے علاقے شادمان میں ٹریفک وارڈن کی غلطی شہری کی جان لے گئی،واقعے کی سی سی ٹی وی فوٹیج بھی سامنے آگئی، جس میں دیکھا جاسکتا ہے کہ ٹریفک وارڈن موٹر سائیکل سوار کو روکنے کے لیے دوڑتے ہوئے موٹر سائیکل کے سامنے آگیا۔
فوٹیج کے مطابق موٹر سائیکل سوار کا سر ٹریفک وارڈن سے ٹکرایا، جس کے بعد وہ فٹ پاتھ سے جا ٹکرایا۔حادثے میں زخمی ہونے والا زین نامی نوجوان پانچ روز تک سروسز اسپتال میں زیر علاج رہا۔
تاہم پانچ روز تک زندگی اور موت کی کشمکش میں رہنے کے بعد زین دم توڑ گیا۔واقعے کی سی سی ٹی وی فوٹیج نے ٹریفک وارڈن کے اقدام پر کئی سوالات کھڑے کردیئے ۔
