اسلام آباد (پاک ترک نیوز )حکومت نے گیس بحران پر بڑا ایکشن پلان بنا لیا ،وزیراعظم شہبازشریف نےتوانائی شعبے میں اصلاحات کا فیصلہ کر لیا ،ذرائع کے مطابق ادارہ جاتی ہم آہنگی بڑھانے پر زوردیا گیا
گیس فراہمی، قیمت اور طلب کے انتظام کیلئے جامع حکومتی فریم ورک تیارکر لیا گیا ،وزیراعظم کی ہدایت پر این سی ایم سی کا قیام عمل میں لانے اور پاور ٹاسک فورس کے اقدامات این سی ایم سی کے تحت لانے کا فیصلہ کرلیا گیا
وزیراعظم نے سیکرٹری پیٹرولیم سے بریفنگ مانگ لی، پیش رفت رپورٹ طلب کر لی ،ذرائع کےمطابق وزیراعظم کو گیس اصلاحات پر ماہانہ رپورٹ 8 مئی تک جمع کرائی جائے گی۔سپلائی بہتر ہونے تک نئی ری گیسیفائیڈ لیکویفائیڈ نیچرل گیس کنکشنز معطل رہیں گے
ٰیہ بھی پڑھیں : وزیراعظم کا کمزور طبقے کو ریلیف کی فراہمی جاری رکھنے کا فیصلہ
اضافی گیس کیلئے تلاش و پیداوار کمپنیوں سے ہفتہ وار رپورٹ طلب کر لی گئی ،ماڑی، او جی ڈی سی ایل، پی پی ایل، مول اور یو ای پی کو رپورٹ جمع کرانے کی ہدایت کی گئی ہے
حکومت نے ملک میں گیس دستیابی بڑھانے کیلئے ہنگامی اقدامات تیز کرنے کا فیصلہ کر لیا ہے،گیس طلب و رسد میں توازن کیلئے نئی حکمت عملی بنا لی گئی ہے
وزیراعظم کی ہدایت پر گیس لوڈشیڈنگ اوقات کا ازسرِ نو جائزہ لینے کا فیصلہ کیا گیا ہے۔مہنگی درآمدی گیس کے بجائے سستی مقامی گیس کے استعمال کا منصوبہ تیا ر کیا گیا ،گیس قیمت برقرار رکھنے کا فیصلہ کرلیا گیا ، اضافی آمدن حاصل کرنے کی حکمت عملی تیار کی گئی ہے
