عالمی بینک نے ترکیہ کیلئے 650ملین ڈالر قرض کی منظوری دیدی

استنبول ( پاک ترک نیوز)عالمی بینک نے ترکیہ کیلئے 650ملین ڈالر قرض کی منظوری دیدی ہے ۔
تفصیلات کےمطابق عالمی بینک نے استنبول لچک پراجیکٹ کی حمایت کے لیے 650 ملین ڈالر کے قرض کی منظوری دی ہے، جو کہ شہر کی ہنگامی تیاریوں اور آفات اور آب و ہوا کے خطرات سے نمٹنے کی صلاحیتوں کو مضبوط کرنے کے لیے سرمایہ کاری ہے۔
عالمی بینک نے ایک بیان میں کہا کہ ترکیہ کے سب سے بڑے شہر میں زندگی، معاش اور اقتصادی سرگرمیوں کے تحفظ پر توجہ مرکوز کیے جانے والے اس منصوبے کا مقصد استنبول کی لچک کو بہتر بنانا ہے۔