پاکستان کی آئی سی سی ٹی ٹونٹی ورلڈ کپ کے سیمی فائنل میں رسائی کا طریقہ کار کیا ہے ۔ سری لنکا نیوزی لینڈ سے شکست کے بعد سیمی فائنل کی دوڑ سے باہر ہو گیا ہے وہیں پاکستان کیلئے بھی سیمی فائنل میں رسائی انتہائی مشکل ہو گئی ہے تاہم ابھی بھی مبہم سی امید ابھی باقی ہے ۔
پاکستان اس وقت پوائنٹس ٹیبل پر ایک پوائنٹ کے ساتھ تیسری پوزیشن پر موجود ہے ۔ انگلینڈ پہلے ہی سیمی فائنل میں پہنچ چکا ہے اور پوائنٹس ٹیبل پر چار پوائنٹس کے ساتھ پہلی پوزیشن پر موجود ہے۔ نیوزی لینڈ اس وقت 3پوائنٹس ہیں اور وہ پوائنٹس ٹیبل پر دوسری پوزیشن پر موجود ہے ۔
انگلینڈ اور نیوزی لینڈ کی ٹیمیں کل مد مقابل آئیں گی ۔ کیویز اگر انگلش ٹیم سے ہار جاتے ہیں تو پاکستان کو اپنے آخری سری لنکا کیخلاف میچ میں بڑی فتح درکار ہوگی ۔نیوزی لینڈ کی انگلینڈ کیخلاف کامیابی پاکستان کو سیمی فائنل کی دوڑ سے باہر کردے گی ۔
نیوزی لینڈ فی الوقت تو رن ریٹ کے حساب سے پاکستان سے بہت بہتر ہے لیکن انگلینڈ سے شکست کی صورت میں رن ریٹ پر بھی فرق پڑے گا جس کا فائدہ پاکستان کوہو سکتا ہے۔
ان حالات میں شاہینوں کے پاس صرف ایک ہی راستہ بچا ہے کہ انگلینڈ نیوزی لینڈ کو بڑی شکست دے اور پاکستان سری لنکا کیخلاف بڑے مارجن سے کامیاب حاصل کرے ۔
