امریکا ایران جنگ ،الیکٹرک گاڑیوں کی طلب میں تیزی

واشنگٹن (پاک ترک نیوز )امریکا اور اسرائیل کی ایران کے خلاف جنگ کے بعد عالمی منڈی میں پیٹرول اور ڈیزل کی قیمتوں میں اضافہ ہوا ہے جس کے نتیجے میں الیکٹرک گاڑیوں کی طلب دنیا بھر میں تیزی سے بڑھ گئی ۔
آسٹریلیا کے شہر سڈنی میں استعمال شدہ برقی گاڑیوں کے تاجروں کا کہنا ہے کہ پہلے جہاں 2 ماہ میں ایک گاڑی فروخت ہوتی تھی اب ہر 2 ہفتے میں 1 گاڑی فروخت ہو رہی ہے جبکہ قیمتوں میں 10 سے 20 فیصد اضافہ بھی دیکھا گیا ہے۔چین میں مارچ کے دوران برقی گاڑیوں کی فروخت میں 82.6 فیصد اضافہ ہوا ہے۔
امریکا میں گزشتہ ماہ 82,000 برقی گاڑیاں فروخت ہوئیں جو سالانہ بنیاد پر کم مگر فروری کے مقابلے میں 20 فیصد زیادہ ہیں۔ویتنام میں مقامی کمپنی ون فاسٹ کی برقی گاڑیوں کی فروخت میں 127 فیصد اضافہ ریکارڈ کیا گیا
جاپان میں ای وی گاڑیوں کی فروخت میں تقریباً 3 گنا جبکہ جنوبی کوریا میں 172 فیصد اضافہ ریکارڈ کیا گیا ہے۔یورپ اور فرانس میں ٹیسلا کی نئی رجسٹریشنز میں 3 گنا اضافہ دیکھا گیا ہے جبکہ ناروے، سویڈن اور ڈنمارک میں بھی نمایاں اضافہ ہوا ہے۔رپورٹس کے مطابق آسٹریلیا میں مارچ کے دوران کُل گاڑیوں کی فروخت میں برقی گاڑیوں کا حصہ 14.6 فیصد تک پہنچ گیا جو گزشتہ سال کے مقابلے میں تقریباً دگنا ہے۔