بیجنگ ( پاک ترک نیوز) گاڑی چارج کرنے کے لیے گھنٹوں انتظار؟ اب پاکستان میں یہ صورتحال بدلنے کی امید پیدا ہوگئی! چین کی معروف کمپنی بی وائی ڈی پاکستان میں انتہائی تیز رفتار چارجنگ ٹیکنالوجی متعارف کرانے کے لیے بات چیت کر رہی ہے۔ جدید بیٹری، برق رفتار چارجنگ اور پاکستان میں گاڑیوں کی تیاری کا منصوبہ، برقی گاڑیوں کی دنیا میں کیا بڑی تبدیلی آنے والی ہے؟ دیکھیے یہ رپورٹ! بجلی سے چلنے والی گاڑیوں کے شوقین افراد کے لیے اہم خبر! بی وائی ڈی اپنی جدید ترین چارجنگ ٹیکنالوجی پاکستان لانے کے امکانات پر غور کر رہی ہے۔ کمپنی کے نائب صدر لیو زیولیانگ کے مطابق اس سلسلے میں پاکستانی شراکت دار میگا موٹر کمپنی سے بات چیت جاری ہے۔
یہ بھی پڑھیں: ہالی وڈ کی فلم ’ریزیڈنٹ ایول‘ نے باکس آفس کے ریکارڈ توڑ دیے، دنیا بھر سے 32 کروڑ ڈالر کما لیے
اس ٹیکنالوجی کی خاص بات ہے دوسری نسل کی بلیڈ بیٹری اور میگا فلیش چارجنگ نظام، جس کا مقصد گاڑی چارج کرنے کا وقت نمایاں طور پر کم کرنا ہے۔ لیکن ٹھہریے! پاکستان میں اس ٹیکنالوجی کی آمد ابھی حتمی نہیں، اس کا انحصار چارجنگ کے بنیادی ڈھانچے، متعلقہ اداروں سے مشاورت اور مستقبل کی منصوبہ بندی پر ہوگا۔ دوسری جانب پاکستان میں بی وائی ڈی کا گاڑیاں تیار کرنے کا کارخانہ بھی 2026 کی دوسری ششماہی میں شروع ہونے کے قریب ہے۔ کمپنی کے مطابق یہاں سالانہ پچیس ہزار گاڑیاں تیار کی جا سکیں گی، جبکہ پیداواری صلاحیت پچاس ہزار گاڑیوں تک بڑھانے کی گنجائش بھی موجود ہوگی۔ منصوبے سے گیارہ سو سے زائد ملازمتیں پیدا ہونے کی توقع ہے۔
