لتہران ( پاک ترک نیوز) ایرانی پارلیمان کے اسپیکر باقر قالیباف کا کہناہے امریکا اور اس کے اتحادیوں نے جنگ بندی کی خلاف ورزی کی۔
جہاز رانی اور توانائی کی ترسیل کی سلامتی خطرے میں ڈالی گئی ۔ آبنائے ہرمز سے متعلق ایک نئی حکمتِ عملی اب مضبوط ہوتی جا رہی ہے، آبنائے ہرمز کی موجودہ صورتحال کے تسلسل سے امریکا پریشان ہے۔
اس سے قبل ایرانی وزیر خارجہ عباس عراقچی نے سوشل میڈیا پر بیان میں کہا ہے کہ پاکستان کی کوششوں سے امریکا سے بات چیت میں پیش رفت ہو رہی ہے،امریکا کو اپنا برا چاہنے والوں سے محتاط رہنا چاہیے،امریکا ان سے محتاط رہے جو اسے پھر دلدل میں گھسیٹنا چاہتے ہیں،،اسی طرح امارت کو بھی محتاط رہنا چاہیئے،ہرمز واقعات سے واضح ہے کہ سیاسی بحران کا فوجی حل نہیں۔
دوسری جانب ایرانی آرمی چیف کا امریکا متنبہ کرتے ہوئے اپنے پیغام میں کہ آبنائے ہرمز پہنچنے کی کوشش کا بھرپور جواب دیں گے،امریکا کو کروز میزائلوں اور ڈرونز کا سامنا کرنا پڑے گا،بیان میں کہا گیا امریکا نے ریڈار کو دھوکہ دے کر آبنائے ہرمز کے قریب پہنچنے کی کوشش کی، آئندہ امریکی طیارہ بردار جہاز کو شدید ردعمل ملے گا، ان پانیوں کا ہر انچ ہماری مرضی کے دائرے میں ہے، اُدھر، پاسداران انقلاب نے ایرانی فوج کے زیرکنٹرول آبنائے ہرمز کا نیا نقشہ جاری کر دیا،، نقشے میں آبنائے ہرمز کے جنوب میں ایرانی کوہ مبارک اور متحدہ عرب امارات میں فجیرہ کے درمیان ایک خط واضح کیا گیا
امریکا اور اتحادیوں نے جنگ بندی کی خلاف ورزی کی ،ایرانی سپیکر
