انقرہ (پاک ترک نیوز)
ترکیہ اور قطر کے درمیان عالمی سطح پر انسانی ہمدردی کی کوششوں میں باہمی تعاون کو بڑھانے کا گذشتہ برس نومبر میں طے پانے والا معاہدہ صدر رجب طیب اردوان کی توثیق سے ترکیہ کے سرکاری گزٹ میں اشاعت کے ساتھ روبہ عمل ہو گیا ہے۔
تفصیلات کے مطابق14 نومبر 2024 کو انقرہ میں دستخط شدہ "جمہوریہ ترکیہ اور قطر کی حکومت کے درمیان انسانی امداد کے میدان میں تعاون کا معاہد ہ پیر کے روز سرکاری گزٹ میں اشاعت کے ساتھ ہی باضابطہ طور پر نافذ ہو گیا ہے۔معاہدے کے تحت دونوں ممالک ضرورت مند تیسرے ممالک تک انسانی امداد پہنچانے کے لیے موثر تعاون کا ایک جامع فریم ورک قائم کریں گے۔
معاہدے میں مالی اور تکنیکی مدد فراہم کرنے، انسانی بنیادوں پر عملہ کی تعیناتی، فیلڈ ہسپتالوں کے قیام اور آپریٹنگ، بحالی کے اقدامات میں معاونت، اور باہمی تعاون پر مبنی منصوبوں اور پروگراموں کے ذریعے اہم بنیادی ڈھانچے کی تعمیر نو میں مشترکہ کوششوں کا خاکہ پیش کیا گیا ہے۔
ترکیہ اور قطر کے مابین عالمی سطح پر ملکر امداد کرنے کے معاہدے پر عملدرآمد شروع
