شارجہ(پاک تر ک نیوز ) سہ ملکی سیریز کے فائنل میں آج پاکستان اور افغانستان کی ٹیموں میں جوڑ پڑے گا۔
تفصیلات کے مطابق متحدہ عرب امارات (یو اے ای ) میں کھیلی جا رہی سیریز میں دونوں ٹیموں کے درمیان دو میچز کھیلے گئے جن میں سے ایک میں پاکستان اور ایک میں افغانستان فاتح رہا، جبکہ میزبان متحدہ عرب امارات کی ٹیم چاروں میچ میں شکست کے بعد ٹورنامنٹ سے باہر ہوگئی۔
میچ ریکارڈ انٹرنیشنل میچز کی میزبانی کرنے والے شارجہ کرکٹ سٹیڈیم میں پاکستانی وقت کے مطابق رات 8 بجے کھیلا جائے گا، دونوں ٹیمیں جیت کیلئے پرعزم ہیں۔
یاد رہے کہ اس سیریز کے اختتام پر 9 ستمبر سے ایشیا کپ کا آغاز ہوگا۔
سہ ملکی سیریز: پاکستان اور افغانستان کا آج فائنل میں جوڑ پڑے گا
