کراچی(پاک ترک نیوز) پاکستان ویمنز کرکٹ ٹیم کی کپتان فاطمہ ثناء کا کہنا ہے کہ اگلا ورلڈ کپ پاکستان میں ہے اس سے قبل نئی لڑکیوں کے ساتھ ٹیم تیار کرنا ہے
پاکستان ویمن کرکٹ ٹیم کی کپتان فاطمہ ثناء نے میڈیا سے گفتگو کرتے ہوئے کہا کہ ٹیم نے ون ڈے میں اچھا پرفارم کیا ہے ۔ورلڈ کپ میں ہم پاور پلے اچھا کر رہے تھے لیکن مڈل اوور میں اچھا نہیں کرسکے
فاطمہ ثنا کا کہنا تھا کہ جو ماضی تھا وہ ہو چکا اب سارا فوکس سری لنکا کی سیریز پر ہے، اگلا ورلڈ کپ پاکستان میں ہے اس سے قبل نئی لڑکیوں کے ساتھ ٹیم تیار کرنا ہے،
یہ بھی پڑھیں: غیر قانونی اور غیر رجسٹرڈ ڈرائیونگ سکولز کےخلاف کارروائی
کپتان قومی ویمنز ٹیم کا کہنا تھا کہ راستہ کسی کا بند نہیں ہوا جو اچھا کھیلے گا وہ ٹیم میں ہوگا، جب آپ ذمہ داری سے کھیلیں گے تو رزلٹ بھی اچھا ہوگا،
فاطمہ ثنا نے کہا کہ مائنڈ سیٹ بہتر کرنا ہوگا تاکہ پریشر اچھا ہینڈل کرسکیں، سری لنکا کا موسم کراچی جیسا کی ہوگا، دی ہنڈریڈ مین جا کر جو بھی سیکھوں گی وہ ٹیم کیلیے کام آئے گا۔
