پشاور ( پاک ترک نیوز) محکمہ موسمیات کا کہنا ہے کہ خیبرپختونخوا کے بیشتر اضلاع میں مطلع جزوی آبرالود رہنے اور بارش کا امکان ہے۔
محکمہ موسمیات کے مطابق آئندہ 24 گھنٹوں کے دوران صوبے بھر میں گرج چمک کیساتھ بارش متوقع، چند مقامات پر موسلادھار بارش کا بھی امکان ہے۔
دوسری جانب پشاور، چترال، دیر، سوات، کوہستان، شانگلہ، بٹگرام، مردان میں بارش کا امکان ہے۔مانسہرہ، ایبٹ آباد، ہری پور، مالاکنڈ، نوشہرہ، چارسدہ، صوابی میں بارش کی توقع ہے۔بونیر، کوہاٹ، کرم ، باجوڑ، مہمند، خیبر، اورکزئی میں بارش ہو گی۔
محکمہ موسمیات کی جانب سے ہنگو، ٹانک، لکی مروت، کرک، ڈی آئی خان، بنوں، وزیرستان میں بھی گرج چمک کیساتھ بارش کا امکان ظاہر کیا گیا ہے
یہ بھی پڑھیں: کراچی میں کہیں ہلکی، کہیں موسلادھار بارش
محکمہ موسمیات کے مطابق گزشتہ روز سیدو شریف میں 88، کاکول میں 78، میرکنی میں 38، پشاور میں 22، کالام میں 9 ملی میٹر بارش ریکارڈ کی گئی ۔پشاور کا زیادہ سے زیادہ درجہ حرارت 34 ڈگری سینٹی گریڈ ریکارڈ کیا گیا۔پشاور میں ہوا میں نمی کا تناسب 88 فیصد ریکارڈ کی گئی ۔مالم جبہ میں درجہِ حرارت 24 ،اور کاکول میں 29 ڈگری سینٹی گریڈ رہا ۔
