دبئی ( پاک ترک نیوز) آئی سی سی نے نئی ٹیسٹ پلیئرز رینکنگ جاری کردی، انگلینڈ کے ہیری بروک ایک درجے بہتری کے بعد دنیا کے نمبر ون ٹیسٹ بیٹر بن گئے۔
انگلینڈ کے جو روٹ بھی ایک درجے ترقی کرکے دوسری پوزیشن پر آگئے، جبکہ آسٹریلیا کے اسٹیو اسمتھ ایک درجے بہتری کے بعد تیسرے نمبر پر پہنچ گئے۔آسٹریلیا کے ٹریوس ہیڈ کو تین درجے تنزلی کا سامنا کرنا پڑا اور وہ چوتھے نمبر پر چلے گئے۔پاکستان کے بابر اعظم کی ٹیسٹ بیٹرز رینکنگ میں دسویں پوزیشن برقرار ہے۔
بنگلہ دیش کے نجم الحسین شنتو نے 9 درجے ترقی کرتے ہوئے 20ویں پوزیشن حاصل کرلی، جبکہ آسٹریلیا کے کیمرون گرین اور بنگلہ دیش کے مومن الحق 5،5 درجے بہتری کے بعد بالترتیب 30ویں اور 31ویں نمبر پر آگئے۔
ٹیسٹ باؤلرز کی رینکنگ میں بھارت کے جسپریت بمرا کی پہلی پوزیشن برقرار ہے۔جنوبی افریقا کے مارکو یانسن ایک درجے بہتری کے بعد چوتھے نمبر پر آگئے، جبکہ انگلینڈ کے گس اٹکنسن نے دو درجے ترقی کرکے ٹاپ 10 میں جگہ بنالی اور وہ دسویں نمبر پر پہنچ گئے۔
یہ بھی پڑھیں: پاکستان اور انگلینڈ کے درمیان پہلا ٹیسٹ آج سے شروع، بابر اعظم انجری کے باعث باہر
بنگلہ دیش کے مہدی حسن میراز تین درجے بہتری کے بعد 24ویں نمبر پر آگئے، جبکہ بنگلہ دیش ہی کے حسن محمود نے 26 درجے کی بڑی چھلانگ لگاتے ہوئے 38ویں پوزیشن حاصل کرلی۔ٹیسٹ آل راؤنڈرز رینکنگ میں بھارت کے رویندر جڈیجہ کی پہلی پوزیشن برقرار ہےساؤتھ افریقہ کے ویان مولڈر ایک درجہ بہتری کے بعد 5 ویں نمبرپر آگئے،بھارت کے واشنگٹن سندر ایک درجہ بہتری کے بعد چھٹے نمبر پر پہنچ گئے ۔انگلینڈ کے گس اٹکنسن 1 ایک درجہ بہتری کے بعد ساتویں نمبرپر براجما ن ہیں
