طالب علم کی یونیورسٹی میں موت ،طلبا کا شدید احتجاج

لاہور( پاک ترک نیوز) لاہور کے علاقے کالا شاہ کاکو میں یو ای ٹی یونیورسٹی میں طالب علم کی موت ،طلبا کی طرف سے شدید احتجاج کیا گیا ۔
طلبانے انتظامیہ کے خلاف نعرے لگائے ۔ طلبا نے موت کو یونیورسٹی حکام کی غفلت قرار دیا ،کہتے ہیں 18 سالہ فہد کی طبعیت ناساز ہوئی مگر ایمبولنس فراہم نہیں کی گئی۔
یونیورسٹی کے میڈیکل سنٹر میں کوئی ڈاکٹر موجود نہیں تھا۔۔ طالبعلم کو تاخیر سے شاہدرہ ہسپتال پہنچایا گیا جو موت کی وجہ بنا۔۔ طالبعلم فہد کا تعلق بہاولنگر سے اور کمپیوٹنگ انجینرنگ کے دوسرے سمسٹرمیں زیرتعلیم تھا،یونیورسٹی حکام کے مطابق طالب علم کو گردن توڑ بخار ہوا ۔